اٹھائیسواں پارہ
اٹھائیسواں پارہ
اس میں کل 9 سورتیں ہیں
سورہ مجادلہ
خولہ بنت ثعلبہ کے شوہر نے ان سے ظہار کر لیا (یعنی شوہر نے اپنی بیوی کو أَنْتِ عَلَیَّ کَظَهْرِ أُمِّی کہا ) تو یہ عورت اپنے شوہر کے لئے حرام ہوگئی، خولہ پریشان ہوئی کہ اب کیا ہو گا چنانچہ نبی کریم صلی اللہ علیہ و آلہ و سلم کے پاس آئ اور اپنی فریاد پیش کی اور بار بار پیش کی ہر بار آپ صلی اللہ علیہ و آلہ و سلم یہی فرماتے رہے کہ تو اپنے شوہر کے لئے حرام ہوگئی ۔ تب
نبی کریم صلی اللہ علیہ و آلہ و سلم پر یہ سورہ نازل ہوئی جس میں ظہار کے کفارہ کا بیان ہے
سورہ حشر
1- بنونضیر قبیلے نے جب نبی کریم صلی اللہ علیہ و آلہ و سلم کو دھوکے سے قتل کرنا چاہا تو آپ نےان پر چڑھائی کی کئی دنوں کے محاصرے کے بعد وہ لوگ وہاں سے نکلنے پر تیار ہوئے چنانچہ انہیں جلاوطن کیا گیا اور یہ پہلی جلاوطنی تھی جو خیبر کی جانب ہوئی پھر خلیفۂ دوم کے دور میں ملک شام کی طرف نکال دیا گیا
2- رسول صلی اللہ علیہ و آلہ و سلم کی ضیافت کا بیان اور میزبان کی تعریف ہے
3- الله تعالى کے بعض صفات کا بیان ہے
سورہ ممتحنہ
اس سورہ میں کئی باتیں ہیں
1- مسلمانوں کو تنبیہ کی گئی ہے کہ وہ اسلام دشمنوں سے دوستی نہ کریں کیونکہ ان سے اسلام کوہمیشہ تکلیف ہی پہنچی ہے
2- جب عورتیں ہجرت کر کے مدینہ منورہ آنے لگیں تو نبی کریم صلی اللہ علیہ و آلہ و سلم کو حکم دیا گیا کہ ان سے اس بات پر بیعت لیں کہ وہ شرک نہیں کریں گی چوری نہیں کریں گی زنا نہیں کریں گی اپنی اولاد کو قتل نہیں کریں گی اور بہتان تراشی نہیں کریں گی
سورہ صف
1- جس چیز کی نصیحت کی جائے اس پر پہلے عمل کیا جائے ورنہ داعی مجرم ہوگا
2- جہاد کرنے والے اللہ کی نگاہ میں محبوب ہیں
3- کوئی کتنی ہی طاقت صرف کردے لیکن نور الہی مٹا نہیں سکتا ہے
سورہ جمعہ
1- جمعہ کی فضیلت اور اس کے بعض آداب کا بیان ہے ایک مرتبہ نبی کریم صلی اللہ علیہ و آلہ و سلم خطبہ دے رہے تھے مال تجارت آیا لوگ آپ کو قیام کی حالت میں چهوڑ کر چلے گئے جس پر سورہ نازل ہوا
2- بے عمل علماء کا بیان کہ وہ مثل گدھے کے ہیں جس پر بوجھ لدا ہوا ہے لیکن اسے یہ نہیں معلوم کہ یہ بوجھ کس چیز کا ہے
سورہ منافقون
1- اس بات کا بیان ہے کہ منافقین رسالت کی گواہی دینے میں جهوٹے ہیں نیز نبی اکرم صلی اللہ علیہ و آلہ و سلم کو ان کی چالبازیوں سے ہشیار رہنے کا حکم دیا گیا ہے
نیز غزوہ احد کے موقع پر رئیس المنافقين نے یہ کہا تھا کہ مدینہ میں ہم رہیں گے نبی اور مسلمان نہیں، عزت والے ہم ہیں نبی اور مسلمان نہیں چنانچہ اللہ تعالیٰ نے اس کا جواب اس سورہ میں دیا ہے
2- مومنوں کو اس بات کی تنبیہ کی گئی ہے کہ کہیں یہ مال اور اولاد تمہاری بربادی کا ذریعہ نہ بن جائیں
سورہ تغابن
1- قیامت کے دن جنتی جنت میں رہتے ہوئے غبن کریں گے وہ اس طرح سے کہ وہ لوگ جو جہنم میں چلے گئے ان کا بھی گهر جنت میں بنایا گیا ہے اب ان کے جہنم میں جانے کی وجہ سے جنت والاگهر خالی رہے گا تو جنتی اس پر قبضہ جما لیں گے اسی وجہ سے اس دن کا ایک نام یوم التغابن بهى پڑ گیا
2- مومنوں کو متنبہ کیا گیا ہے کہ تمہاری بیویوں اور اولاد میں سے بعض تمہارے دشمن ہیں تمہیں ان سے چوکنا رہنے کی ضرورت ہے
سورہ طلاق
1- طلاق کے بعض مسائل کا بیان
2- مختلف قسم کی عورتوں کی عدت کا بیان
3- متقیوں کو پریشانی سے نجات ملے گی بے حساب رزق ملے گا ان کے معاملات آسان ہونگے ان کے گناہ مٹائے جائیں گے اور اجرعظیم ملے گا
سورہ تحریم
دو جہنمی عورتوں کا بیان ہے اور یہ دونوں نبی کی عورتیں ہیں (نوح و لوط علیہما السلام) اور ان کا کافروں کے لئے بطور مثال ہے اور مومنین کے لئے دو عورتوں کی مثال بیان کی گئی ہے ایک فرعون کی بیوی آسیہ اور دوسرے عمران علیہ السلام کی بیٹی مریم
التماس دعا
